Thimbleberries klúbbur

Thimbleberries-klúbbur

Thimbleberries klúbburinn er klúbbur sem starfræktur er í tengslum við bútasauminn. Hugmyndin að klúbbnum og verkefnin eru hönnuð af Lynette Jensen, bandarískum hönnuði, sem hannar bæði bútasaumsefni og -snið.

Fundir eru haldnir einu sinni í mánuði yfir vetrartímann, en á sumrin höfum við tekið okkur smá frí til að sleikja sólina, og safna orku fyrir veturinn. Á fundunum erum við stundum með sýnikennslu, vörur á tilboði og ýmislegt fleira sem til fellur hverju sinni. Klúbbkonur hafa verið mjög duglegar við það að koma með teppi og önnur bútasaumsverkefni sem þær hafa verið að gera og sýnt á fundunum. Það er alltaf gaman að sjá hvað aðrir eru að gera, bæði til þess að fá hugmyndir nú eða bara til þess að gleðja augað. Á hverjum fundi er happadrætti, fundargestir setja nafnið sitt í pott sem úr eru dregin tvö nöfn á hverjum fundi, og fá þær heppnu bók eða snið frá Thimbleberries í verðlaun.
Einnig höfum við svo verið með leik í gangi, þar sem klúbbfélagar hafa átt kost á því að fá nafnið sitt í annan pott, stjörnupottinn, þegar þær koma með verkefni til að sýna okkur hinum, en úr þeim potti verður svo dregið í desember. Ekki hefur en fengist staðfest hvað verður í verðlaun einungis að það verður eitthvað gómsætt "bútasaumsgóðgæti".

Ef þú skráir þig í klúbbinn, færð þú fréttabréf einu sinni í mánuði, þar sem við tilkynnum dagsetningu næsta fundar, hvaða vörur verða á tilboði eða hvað verður tekið fyrir í sýnikennslu, því það er alltaf eitthvað í gangi. Á fundinum átt þú svo kost á því að njóta þess sem uppá er boðið, s.s. vörur á tilboðsverði og sýnikennslu.

Það kostar ekkert að vera með í klúbbnum, en til að teljast fullgildur meðlimur verða þáttakendur að kaupa mánaðarverkefnið, sem er sérvalið af Lynette Jensen og hennar fólki. Ef verkefnið er ekki sótt, þá fellur viðkomandi sjálfkrafa útaf listanum hjá okkur og fær ekki tilkynningu um næsta fund. Greitt er fyrir hvert verkefni fyrir sig en þau verða á 3300,-( eða u.þ.b. endanleg staðfesting á verðinu kemur eftir að við höfum fengið efnin), en við ákváðum að deila þessu frekar jafnt yfir árið eins og í fyrra, en athugið að sumarverkefnin verða kannski afhent á fundum um vorið eða haustið og þá erum við sennilega að afhenda 2.pakkn. í einu sem verður þá tvöfaldur kostnaður

Þú getur skráð þig í Thimbleberries klúbbinn með því að smella hér og senda okkur póst, hringja til okkar í síma 568 7477 nú eða koma til okkar í Mörkina 3. Munið að tilgreina hvorn litinn þið viljið Northern Lights eða Southern Skies sjá nánar hér fyrir neðan.

Efst á síðu

Thimbleberries verkefnið 2011 heitir:

Border Blast
Við verðum með tvær litaútgáfur í boði sem heita Northern Lights og Southern Skies þið sjáið myndir af þeim hér fyrir neðan. 'I hverjum mánuði fá klúbbmeðlimir efni og snið í ákveðin hluta af teppinu þangað til árinu líkur og þá er allt komið í teppið nema vattið og bakefni. Hægt er að stækka teppið uppí Queen stærð og einnig er hægt að breyta uppröðuninni í því, leiðbeiningar til að gera þetta fylgja. Með hverri mánaðarpakkningu fylgir eitt frítt snið af litlu veggstykki, dúk, löber eða tösku allt hlutir sem eru sérhannaðir bara fyrir klúbbmeðlimi. Athugið að þegar þið skráið ykkur í klúbbinn þurfið þið að vera búnar að ákveða hvaða litaútgáfu þið viljið, þið sjáið báðar tegundirnar hér fyrir neðan en athugið að myndirnar sýna ekki alveg rétta liti.

Þetta er Northern Lights í queen stærð:

Og þetta er Southern Skies í queen stærð:

Og hér eru þau í throw stærð:

Litirnir koma ekki alveg rétt út í tölvunni, svo ef þið viljið átta ykkur betur á litunum, komið þá við hjá okkur í búðinni og skoðið prufurnar!